ఆహా..!మహా..విందు
ABN , First Publish Date - 2023-10-03T00:19:18+05:30 IST
వినాయక చవితి ఉత్సవాలు గుమ్ములూరులో ఏటా ఘనంగా నిర్వహిస్తారు. అన్న సమారాధనకు ఈ ఏడాది 32 రకాలు ఆహార పదార్థాలు వడ్డించారు.
అన్నదానంలో 32 రకాల వంటలు
ఆకివీడు రూరల్ : వినాయక చవితి ఉత్సవాలు గుమ్ములూరులో ఏటా ఘనంగా నిర్వహిస్తారు. అనంతరం ఏర్పాటు చేసే అన్న సమారాధనకు పెద్దఎత్తున భక్తులు విచ్చేస్తారు. రకరకాల వంటకాలతో వైభవంగా నిర్వహిస్తారు. ఈ ఏడాది 32 రకాలు ఆహార పదార్థాలు వడ్డించారు. 8 రకాల స్వీట్లతో పాటు, 5 రకాల హాట్లు , బిర్యాని, పులిహోర, కూరలు, పచ్చళ్లు, ఐస్క్రీమ్, పండ్లతో కలిపి మొత్తం 32 రకాలు ఆకు నిండుగా వడ్డించారు. విశేషమేమిటంటే అన్నీ తినలేనివారు ఇంటికి తీసుకెళ్లడానికి కవర్ కూడా ఇచ్చారు. సుమారు నాలుగు వేల మంది వరకు ఈ అన్న సమారాధనలో పాల్గొన్నట్టు నిర్వాహకులు తెలిపారు.
