30 వరకు సిపెట్‌ డిప్లొమా కోర్సులకు గడువు

ఆగిరిపల్లి, జూన్‌ 25: సెంట్రల్‌ ఇనిస్టిట్యూట్‌ ఆఫ్‌ పెట్రో కెమికల్స్‌ ఇంజి నీరింగ్‌ అండ్‌ టెక్నాలజీ (సిపెట్‌)లో 2023–24 విద్యా సంవత్సరానికి జాబ్‌ ఓరియంటెడ్‌ కోర్సులైన మూడేళ్ల వ్యవధిగల డిప్లొమా, రెండేళ్ల వ్యవధి గల పీజీ డిప్లొమా కోర్సులకు విద్యార్థుల నుంచి దరఖాస్తులు ఆహ్వానిస్తున్నట్టు సిపెట్‌ జేడీ చింతా శేఖర్‌ తెలిపారు. డిప్లొమా ఇన్‌ ప్లాస్టిక్‌ టెక్నాలజీ, డిప్లొమా ఇన్‌ ప్లాస్టిక్‌ మౌల్డ్‌ టెక్నాలజీ కోర్సులకు టెన్త్‌ విద్యార్హత కాగా, పీజీ డిప్లొమా ఇన్‌ ప్లాస్టిక్స్‌ ప్రాసెసింగ్‌ అండ్‌ టెస్టింగ్‌ కోర్సుకు బీయస్సీ విద్యార్హత కలిగి ఉండా లన్నారు. రాష్ట్ర ప్రభుత్వం అర్హులైన విద్యార్థులకు ఫీజు రీయింబర్స్‌ మెంట్‌ సదుపాయం విద్యార్ధినీ, విద్యార్థులకు విడివిడిగా హాస్టల్‌ సదుపాయం ఉంద న్నారు. ఇప్పటికే నిర్వహించిన సిపెట్‌ కామన్‌ అడ్మిషన్‌ టెస్ట్‌ ఫలితాలు వెలువ డినా, ఏపీలో టెన్త్‌ సప్లిమెంటరీ విద్యార్థుల విజ్ఞప్తి మేరకు ఫేజ్‌–2 ఎంట్రన్స్‌ టెస్ట్‌ను నిర్వహించి వారికి, బీయస్సీ విద్యార్హత కలిగిన అభ్యర్థులకు తుది అవకాశం కల్పిస్తున్నామని చెప్పారు. ఆసక్తిగల విద్యార్థులు సాకిరి రామకృష్ణ 93985 35697 నంబర్‌ను సంప్రదించి రిజిస్ట్రేషన్‌ చేసుకోవాలని కోరారు.