అంగన్‌వాడీలకు అండగా ఉంటాం

సాలూరు: అంగన్‌వాడీలకు తమ పార్టీ ఎప్పుడూ అండగా ఉంటుందని టీడీపీ పొలిట్‌బ్యూరో సభ్యురాలు గుమ్మిడి సంధ్యారాణి భరోసా ఇచ్చారు. తమ న్యాయమైన డిమాండ్ల సాధన కోసం అంగన్‌వాడీలు పట్టణంలోని రామా థియేటర్‌ ఎదురుగా రెండో రోజు బుధవారం నిరసన చేపట్టారు. ఆమె దీక్ష వద్దకు వచ్చి సంఘీభావం తెలిపారు. టీడీపీ పట్టణ అధ్యక్షుడు నిమ్మాది తిరుపతిరావు మాట్లాడుతూ స్త్రీ మూర్తులను ఆది శక్తులుగా పూజించే దేశంలో వారిని ఇబ్బందులకు గురి చేయటం సరికాదన్నారు. కార్యక్రమంలో సీఐటీయూ నాయకులు ఎన్‌వై.నాయుడు, బలగ రాధ పాల్గొన్నారు.

కురుపాం: టీడీపీ ప్రభుత్వం అధికారంలోకి వచ్చిన వెంటనే అంగన్‌వాడీ లసమస్యలు పరిష్కరిస్తుందిని ఆ పార్టీ కురుపాం నియోజకవర్గ ఇన్‌చార్జి తోయక జగదీశ్వరి తెలిపారు. ఈ మేరకు బుధవారం కురుపాంలో సమ్మె నిర్వహిస్తున్న కార్యకర్తలకు ఆమె మద్దతు తెలిపారు.