మూడో అంతస్తు నుంచిజారిపడి..

రామభద్రపురం: నిర్మాణంలో ఉన్న ఇంటిపై నుంచి జారి పడి కార్మికుడు మృతి చెందిన ఘటన మండలంలో చోటు చేసుకుంది. దీనికి సంబంధించి స్థానికులు, పోలీసులు తెలిపిన వివరాలు ఇలా ఉన్నాయి. మండల పరిధిలోని కొట్టక్కి గ్రామం సమీపంలో కొత్తగా ఒక అపార్ట్‌మెంట్‌ నిర్మిస్తున్నారు. ఈ నిర్మాణ పనులకు విజయనగరం మండలం గాజులరేగకు చెందిన బెల్లాన పైడిరాజు (58) హాజరువుతున్నాడు. ఈ క్రమంలో బుధవారం పైడిరాజు నిర్మాణ పనుల్లో ఉండగా సాయంత్రం 3 గంటల ప్రాంతంలో అపార్టుమెంట్‌లోని 3 వ అంతస్తుపైనుంచి ప్రమాదవ శాత్తు జారిపడ్డాడు. ఈ ఘటనలో పైడిరాజు తీవ్రంగా గాయపడ్డాడు. వెంటనే స్థానికులు 108లో విజయనగరం ఆసుపత్రికి తరలించగా అక్కడ చికిత్స పొందుతూ మృతి చెందాడు. పైడిరాజు భార్య బెల్లాన కుమారి ఫిర్యాదు మేరకు గురువారం కేసు నమోదు చేసి దర్యాప్తు చేస్తున్నామని ఎస్‌ఐ బి.సురేంద్రనాయుడు తెలిపారు.