పెండింగ్ జీతాలు చెల్లించండి
ABN , Publish Date - Dec 23 , 2023 | 12:19 AM
తమను వెంటనే రెగ్యులర్ చేసి, పెండింగ్ జీతాలు చెల్లించాలని సమగ్రశిక్ష కాంట్రాక్ట్, ఔట్సోర్సింగ్ ఉద్యోగులు డిమాండ్ చేశారు.
- సమగ్రశిక్ష కాంట్రాక్ట్ ఉద్యోగుల డిమాండ్
కలెక్టరేట్, డిసెంబరు 22: తమను వెంటనే రెగ్యులర్ చేసి, పెండింగ్ జీతాలు చెల్లించాలని సమగ్రశిక్ష కాంట్రాక్ట్, ఔట్సోర్సింగ్ ఉద్యోగులు డిమాండ్ చేశారు. సమస్యలు పరిష్కరించాలని కోరు తూ శుక్రవారం విజయనగరంలో ర్యాలీ నిర్వహించారు. కలెక్టరేట్ వద్ద మానవహారం చేపట్టారు. ఈ సందర్భంగా సంఘ నాయకులు మాట్లాడుతూ.. ఈ నెల 16 నుంచి ఆందోళనలు చేపడుతున్నా ప్రభుత్వం పట్టించుకోకపోవడం దారుణమన్నారు. ఉద్యోగ భద్రత కల్పించాలని, గ్రాడ్యుటీ రిటైర్మెంట్ బెనిఫిట్ను తక్షణమే అమలు చేయాలని, సమాన పనికి సమాన వేతనం అందజేయాలని డిమాండ్ చేశారు. రిటైర్మెంట్ వయసు 62 సంవత్సరాలకు పెంచాలని కోరారు.
