సందడే సందడి
ABN , First Publish Date - 2023-12-11T01:00:13+05:30 IST
జిల్లా అంతటా ఈ ఆదివారం ప్రత్యేక సందడి కనిపించింది. కార్తీకమాసం చివరి వారం కావడంతో అన్నిచోట్లా పిక్నిక్ల కోలాహలం నెలకొంది. చిన్నలు.. పెద్దలు కలిసి ఉత్సాహంగా గడిపారు. ఆటలు.. పాటల పోటీలు పెట్టుకున్నారు.
సందడే సందడి
విజయనగరం(ఆంధ్రజ్యోతి)/ దాసన్నపేట, డిసెంబరు 10: జిల్లా అంతటా ఈ ఆదివారం ప్రత్యేక సందడి కనిపించింది. కార్తీకమాసం చివరి వారం కావడంతో అన్నిచోట్లా పిక్నిక్ల కోలాహలం నెలకొంది. చిన్నలు.. పెద్దలు కలిసి ఉత్సాహంగా గడిపారు. ఆటలు.. పాటల పోటీలు పెట్టుకున్నారు. డీజే పాటలకు నృత్యాలు చేశారు. సామూహికంగా వనభోజనాలు చేశారు. ప్రత్యేక పిండివంటకాలతో నోరూ రించారు. అయితే సామాజిక వర్గాల వారీగా పోటాపోటీగా పిక్నిక్లు ఏర్పాటు చేసుకోవడం కనిపించింది. ఆయా తోటలు జాతర్లను తలపించాయి. పిల్లలు ఆడుకునే పెద్దపెద్ద ఎయిర్బెలూన్స్ కూడా తీసుకొచ్చారు. కాపు, తూర్పు కాపు, నాగవంశం, వెలమ, బలిజ తదితర సామాజిక వర్గాల వారీగా భారీ హంగామా చేశారు. వీటికి ప్రత్యేక ఆహ్వానితులుగా రాజకీయ పార్టీల కీలక నేతలు హాజరయ్యారు. ఒక కార్తీక వన సమారాధనలో వైద్య శిబిరం కూడా ఏర్పాటు చేశారు. అవసరమైన వారికి మందులు పంపిణీ చేశారు. వివాహ పరిచయ వేదికలు కూడా జరిగాయి. కామాక్షినగర్, రామనారాయణం వద్ద పెద్ద ఎత్తున ప్రజలు హాజరయ్యారు.
