ఐదు నుంచి రైతు రక్షణ కోసం జీపు జాతా
ABN , First Publish Date - 2023-06-02T23:52:33+05:30 IST
కౌలు రైతుల రక్షణ కోసం ఈనెల ఐదో తేదీ నుంచి మునగపాకలో రాష్ట్ర జీపు జాతా బయలుదేరుతుందని జిల్లా కౌలు రైతుల సంఘం కార్యదర్శి ఎ.బాలకృష్ణ పేర్కొన్నారు.
అనకాపల్లి టౌన్‌, జూన్‌ 2 : కౌలు రైతుల రక్షణ కోసం ఈనెల ఐదో తేదీ నుంచి మునగపాకలో రాష్ట్ర జీపు జాతా బయలుదేరుతుందని జిల్లా కౌలు రైతుల సంఘం కార్యదర్శి ఎ.బాలకృష్ణ పేర్కొన్నారు. ఇందుకు సంబంధించి శుక్రవారం దొడ్డి రామునాయుడు భవనంలో వాల్‌పోస్టర్‌ను ఆవిష్కరించారు. ఈ సందర్భంగా బాలకృష్ణ మాట్లాడుతూ కేంద్ర రాష్ట్ర ప్రభుత్వాలు కౌలు రైతులను నిర్లక్ష్యం చేస్తున్నాయన్నారు. ఈ కార్యక్రమంలో కె.లోకనాథం, గాడి బాలు, ఆళ్ల మహేశ్వరరావు, వీవీ శ్రీనివాసరావు పాల్గొన్నారు.
