తిరస్కరించిన అర్జీలపై వెంటనే సమాధానం చెప్పాలి
ABN , Publish Date - Dec 18 , 2023 | 11:57 PM
స్పందనలో వచ్చే అర్జీల్లో తిరస్కరణకు గురైన అర్జీలకు సంబంధించిన కారణాలను తెలియజేయాలని అధికారులను కలెక్టర్ రవిపట్టన్శెట్టి ఆదేశించారు.
అధికారులకు కలెక్టర్ రవి పట్టన్శెట్టి ఆదేశం
అనకాపల్లి కలెక్టరేట్, డిసెంబరు 18: స్పందనలో వచ్చే అర్జీల్లో తిరస్కరణకు గురైన అర్జీలకు సంబంధించిన కారణాలను తెలియజేయాలని అధికారులను కలెక్టర్ రవిపట్టన్శెట్టి ఆదేశించారు. శంకరంలోని కలెక్టరేట్ సమావేశ మందిరంలో సోమవారం నిర్వహించిన స్పందనలో కలెక్టర్, జేసీ, డీఆర్వో పాల్గొన్నారు. జిల్లా నలుమూలల నుంచి 360 మంది అర్జీదారులు వచ్చి దరఖాస్తులు చేసుకోగా, వారి గోడును స్వయంగా కలెక్టర్ రవి పట్టన్శెట్టి ఆలకించారు. సమస్యల పరిష్కారం నిమిత్తం సంబంధిత అధికారులకు బదలాయించారు. ఈ కార్యక్రమంలో వివిధ శాఖల జిల్లా స్థాయి అధికారులు పాల్గొన్నారు.
