3,63,346 మందికి ‘ఆసరా’
ABN , First Publish Date - 2023-03-26T01:41:33+05:30 IST
జిల్లాలో 34,935 స్వయం సహాయక సంఘాలకు చెందిన 3 లక్షల 63 వేల 346 మంది సభ్యులకు వైఎస్సార్‌ ఆసరా పథకం కింద రూ.276.77 కోట్లు వారి ఖాతాల్లో జమ చేశారు.
అనకాపల్లి కలెక్టరేట్‌, మార్చి 25 : జిల్లాలో 34,935 స్వయం సహాయక సంఘాలకు చెందిన 3 లక్షల 63 వేల 346 మంది సభ్యులకు వైఎస్సార్‌ ఆసరా పథకం కింద రూ.276.77 కోట్లు వారి ఖాతాల్లో జమ చేశారు. సీఎం జగన్‌ ఏలూరు జిల్లా దెందులూరులో శనివారం లాంఛనంగా ఈ కార్యక్రమాన్ని ప్రారంభిస్తున్న సందర్భంగా శంకరంలోని కలెక్టరేట్‌ సమావేశమందిరంలో కలెక్టర్‌ రవి పట్టన్‌తో కలిసి నమూనా చెక్కును లబ్ధిదారులకు ప్రభుత్వ విప్‌ కరణం ధర్మశ్రీ అందజేశారు. ఈ కార్యక్రమంలో ఎంపీ డాక్టర్‌ బీవీ సత్యవతి, డ్వాక్రా సంఘాల మహిళలు పాల్గొన్నారు.
