అనధికార విద్యుత్ వినియోగంపై విజిలెన్స్ కొరడా
ABN , First Publish Date - 2023-05-12T00:28:53+05:30 IST
రెడ్డిగూడెం సెక్షన్ పరిధిలోని పలు గృహ, వాణిజ్య సముదాయాల విద్యుత్ మీటర్లను విజిలెన్స్ అధికారులు 43 బృందాలుగా విడిపోయి ఏకకాలంలో గురువారం దాడులు నిర్వహించారు.
రెడ్డిగూడెం, మే 11: రెడ్డిగూడెం సెక్షన్ పరిధిలోని పలు గృహ, వాణిజ్య సముదాయాల విద్యుత్ మీటర్లను విజిలెన్స్ అధికారులు 43 బృందాలుగా విడిపోయి ఏకకాలంలో గురువారం దాడులు నిర్వహించారు. 2,112 గృహ సర్వీసులను, 89 వాణిజ్య సర్వీసులను 6 ఇతర సర్వీసులను తనిఖీ చేశారు. వాటిలో 166 సర్వీసులకు అదనపులోడు, 252 కేడబ్ల్యూ మొత్తానికి రూ.4,60,603, విద్యుత్ చౌర్యానికి పాల్పడుతున్న ముగ్గురికి రూ.75వేలు, అనుమతించిన క్యాటగిరి కాకుండా వేరేది వాడుతున్న వ్యక్తి రూ.23 వేలు జరిమానా విధించినట్లు ఈఈ కూన వెంకటేశ్వర్లు తెలిపారు. కార్యక్రమంలో ఈఈ డి.కృష్ణారావు, తదితరులు పాల్గొన్నారు.
