పనస ‘పండు’గే
ABN , First Publish Date - 2023-04-08T00:24:36+05:30 IST
నాగాయలంక గ్రామంలో ఓ పనస చెట్టు విరగకాసి ఆశ్చర్యానికి గురిచేస్తోంది.
నాగాయలంక : నాగాయలంక గ్రామంలో ఓ పనస చెట్టు విరగకాసి ఆశ్చర్యానికి గురిచేస్తోంది. తలశిల వెంకట చలపతిరావు దంపతులు ఆరేళ్ల క్రితం నాటిన ఈ చెట్టు మూడేళ్లుగా దిగుబడిని ఇస్తుండగా, ఈ ఏడాది దాదాపు 150కిపైగా పిందెలు కాశాయి. ఈ చెట్టుకు కొద్దిగా కంపోస్టు ఎరువు, సమయానికి నీరు మాత్రమే పెడుతుంటా మని, ప్రస్తుతం 100కుపైగా పిందెలు పెద్దవయ్యాయని, వాటిలో కొన్ని 10 నుంచి 12 కిలోలు, మరికొన్ని 6 నుంచి 8 కిలోల మేర బరువు పెరిగాయని, మరింత బరువు పెరిగే అవకాశం ఉందని వెంకట చలపతిరావు తెలిపారు.
