దిగుబడులు లేకున్నా ధర పలకని టమోటా
ABN , First Publish Date - 2023-02-07T00:06:42+05:30 IST
వారంగా టమోటా ధరలు క్రమంగా తగ్గు ముఖం పడుతున్నాయి. 15 కిలోల బాక్సు ధర వారం కిత్రం రూ.500 - రూ.400 వరకు పలికింది. ఈనెల 1న 15 కిలోల బాక్సు రూ.200కు చేరుకుంది.
సోమల, ఫిబ్రవరి 6: వారంగా టమోటా ధరలు క్రమంగా తగ్గు ముఖం పడుతున్నాయి. 15 కిలోల బాక్సు ధర వారం కిత్రం రూ.500 - రూ.400 వరకు పలికింది. ఈనెల 1న 15 కిలోల బాక్సు రూ.200కు చేరుకుంది. జిల్లాలో ప్ర స్తుతం దిగుడులు లేకున్నా ధరలు మాత్రం పలకడం లేదు. ఇతర జిల్లాల నుంచి వ్యాపారస్తులు కొనుగోలు చేసి ఇక్కడ విక్రయించడమే కారణంగా తెలుస్తోంది. గత ఏడాది నవంబరు, డిసెంబరు నెలల్లో కురిసిన వర్షాలతో జిల్లాలో టమోటా తోటలు దెబ్బతిన్నాయి. అరకొరగా సాగులో ఉండి దిగుబడులు వస్తున్నా రైతు లకు గిట్టుబాటు కావడం లేదు. ప్రస్తుతం సీజన్‌ కంటే ముందుగా జనవరి నెల లో 20శాతం మంది రైతులు టమోటా నాటు కున్నారు. టమోటా సీజన్‌కు మరో 50 శాతం మార్చి నెలలో టమోటా నాటేందుకు దుక్కులు సిద్ధం చేసుకున్నారు.
