గంజాయి పట్టివేత

ఇద్దరు మహిళల అరెస్టు

ఐరాల, ఫిబ్రవరి 2: ఐరాల పోలీసు స్టేషన్‌ పరిధిలోని గుండ్లపల్లి ఎస్టీకాలనీ బస్టాపు వద్ద గంజాయి తరలిస్తున్న ఇద్దరు మహిళలను గురువారం ఐరాల పోలీసులు అరెస్టు చేశారు. కల్లూరు సీఐ ఆశీర్వాదం కథనం మేరకు.. ఐరాల మండలం గుండ్లపల్లి ఎస్టీకాలనీకి చెందిన సిద్ధమ్మ అలియాస్‌ కుట్టెమ్మ, ఎం.సునీత రెండు చేతిసంచులలో గంజాయి పెట్టుకుని ఉన్నట్లు పోలీసులకు సమాచారం అందింది. ఐరాల ఎస్‌ఐ వెంకటేశ్వర్లు సిబ్బందితో బస్టాప్‌ వద్దకు వెళ్లగా సదరు మహిళలు పారిపోయేందుకు ప్రయత్నించారు. అప్రమత్తమైన పోలీసులు వారిని పట్టుకుని వారి నుంచి రూ.15 వేలు విలువచేసే ఒకటిన్నర కేజీ (1.50 కేజీ) గంజాయిని స్వాధీనం చేసుకున్నారు. నిందితులపై కేసు నమోదు చేసి, దర్యాప్తు చేస్తున్నారు. ఏఎ్‌సఐ లక్ష్మి పాల్గొన్నారు.