AP Govt: మరో వెయ్యి కోట్ల అప్పుకు ఏపీ ప్రభుత్వం ఇండెంట్

అమరావతి: మరో వెయ్యి కోట్ల అప్పుకు ఏపీ ప్రభుత్వం ఇండెంట్ పెట్టింది. రూ.500 కోట్లు 9 ఏళ్లకు, మరో రూ.500 కోట్లు 17 ఏళ్లకు ఇండెంట్ పెట్టింది. వచ్చే మంగళవారం రిజర్వ్ బ్యాంక్ దగ్గర వెయ్యి కోట్ల సెక్యూరిటీ బాండ్ల వేలం వేయనుంది. వెయ్యి కోట్లతో ఈ ఏడాది FRBMలో ఏపీ ప్రభుత్వం రూ.20,500 కోట్లు అప్పు తెచ్చింది. 77 రోజుల్లో రూ.20 వేల కోట్లు అప్పు చేసి రికార్డ్ సృష్టించింది. 2023-24 ఆర్ధిక సంవత్సరంలో కేంద్రం అనుమతించిన FRBMలో ఏపీకి ఇంకా మిగిలింది రూ.10 వేల కోట్లే. రూ.10 వేల కోట్లతో రాబోయే 9నెలలకు సర్దుబాటు చేయాల్సిన పరిస్థితి ఏర్పడింది. కేంద్రం అదనపు రుణ పరిమితి ఇవ్వకుంటే ఏపీ ఆర్ధిక సంక్షోభంలో కూరుకున్నట్లే పరిస్థితి నెలకొంటోంది.