అధ్వానంగా గ్రామీణ రహదారులు

మడకశిర రూరల్‌, ఫిబ్రవరి 6: మండలంలోని పలు గ్రామాల కు వెళ్లే రహదారులు ఏళ్ల తరబడి అధ్వానంగా దర్శనమిస్తున్నాయి. పాలకులు, అధికారులు పట్టించుకోవడం లేదని ప్రజలు వాపోతున్నా రు. మండలంలోని తడకలపల్లి-ఎల్లోటి, అగ్రంపల్లి-సీ కొడిగేపల్లి, గం తలపల్లి- మణూరు, ఎం తండా-భక్తరహళ్ళి. వైబీ హళ్ళి-చంద్రబావి, పత్తికుంట-వైబీ హళ్ళి, కొత్తలం-ఎగువ అచ్చంపల్లి, చందకచర్ల-మ రువపల్లి, రేకలకుంట-కంఠీపురం, క్యాంపురం-హరేసముద్రం, అయ్యావారిపల్లి-హరేసముద్రం గ్రామాలకు వెళ్లే రహదారుల్లో ప్రయాణం నరకంగా మారింది. ఇరువైపులా ఏపుగా కంపచెట్లు పెరిగి రోడ్లు మూసుకుపోయాయి. కంకరతేలిన గుంతల రోడ్లలో ఏళ్లకాలంగా ఆ యా గ్రామాల ప్రజలు నరకం చూస్తున్నారు. కనీసం నడిచేందుకు కూడా వీలులేని దుస్థితిలో ఉన్నాయి. ఆయా గ్రామాల నుంచి ప్ర జలు అత్యవసర పరిస్థితుల్లో పట్టణానికి వెళ్ళాలంటే వారు పడే బా ధలు వర్ణనాతీతం. ఇప్పటికైనా సంబంధిత అధికారులు అధ్వానంగా ఉండే రహదారులకు మరమ్మతులు చేయాలని ఆయా గ్రామాల ప్ర జలు కోరుతున్నారు.