విద్య, వైద్య సమస్యలను పరిష్కరిస్తాం: కలెక్టర్
ABN , First Publish Date - 2023-06-11T00:34:30+05:30 IST
జిల్లాలో వైద్య, విద్య సమస్యలను పరిష్క రించేందుకు ప్రత్యేక చర్యలు తీసుకుంటున్నట్లు కలెక్టర్ గౌతమి పేర్కొన్నారు.
బెళుగుప్ప, జూన 10: జిల్లాలో వైద్య, విద్య సమస్యలను పరిష్క రించేందుకు ప్రత్యేక చర్యలు తీసుకుంటున్నట్లు కలెక్టర్ గౌతమి పేర్కొన్నారు. శనివారం కలెక్టరు మండలంలో పర్యటించి ఉన్నత పాఠశాల, కేజీబీవీ, ప్రాథమిక ఆరోగ్య కేంద్రం, నాడు, నేడు నిధులతో నూతనంగా నిర్మిస్తున్న భవన నిర్మాణ పనులను పరిశీలించారు. ఎంఆర్సీలో పాఠ్య పుస్తకాలు, బ్యాగులను పరిశీలించి పాఠశాలల పునః ప్రారంభం లోపు విద్యార్థులకు అందేలా చూడాలని ఎంఈఓ మల్లారెడ్డికి సూచించారు. నరసాపురంలో ఫ్యామిలీ డాక్టరు కార్యక్రమాన్ని తనిఖీ చేశారు. కార్యక్రమంలో ఆర్డీఓ నిషాంతరెడ్డి, తహసీల్దారు హుస్సేన పీరా, ఎంపీడీఓ రామచంద్ర, ఆర్ఐ నగేష్, సూపరింటెండెంట్ వెంకటరమణ, ఎంపీహెచఈఓ విజయ్ కుమార్ తదితరులు పాల్గొన్నారు.
