చౌడారంలో రూ. 10.56 కోట్లతో మెగా వాటర్షెడ్
ABN , First Publish Date - 2022-02-20T05:16:45+05:30 IST
చిన్నకోడూరు మండలం చౌడారంలో మెగా వాటర్ షెడ్ ప్రాజెక్టు నిర్మాణానికి రూ. 10.56 కోట్లు మంజూరైనట్టు ఆర్థిక, వైద్య ఆరోగ్యశాఖ మంత్రి హరీశ్రావు శనివారం ఓ ప్రకటనలో వెల్లడించారు. చౌడారం మెగా వాటర్షెడ్ ప్రాజెక్టు నిర్మాణంతో చౌడారం, విఠలాపూర్, మేడిపల్లి, అల్లీపూర్, కిష్టాపూర్, మైలారం, కమ్మర్లపల్లి, చెల్కలపల్లి, ఎల్లాయపల్లికి ప్రయోజనం కలుగుతుందని పేర్కొన్నారు.
ఆర్థిక, వైద్య ఆరోగ్యశాఖ మంత్రి హరీశ్రావు
చిన్నకోడూరు, ఫిబ్రవరి 19 : చిన్నకోడూరు మండలం చౌడారంలో మెగా వాటర్ షెడ్ ప్రాజెక్టు నిర్మాణానికి రూ. 10.56 కోట్లు మంజూరైనట్టు ఆర్థిక, వైద్య ఆరోగ్యశాఖ మంత్రి హరీశ్రావు శనివారం ఓ ప్రకటనలో వెల్లడించారు. చౌడారం మెగా వాటర్షెడ్ ప్రాజెక్టు నిర్మాణంతో చౌడారం, విఠలాపూర్, మేడిపల్లి, అల్లీపూర్, కిష్టాపూర్, మైలారం, కమ్మర్లపల్లి, చెల్కలపల్లి, ఎల్లాయపల్లికి ప్రయోజనం కలుగుతుందని పేర్కొన్నారు. 4,803 హెక్టార్లలో వాటర్ షెడ్ ప్రాజెక్టు నిర్మాణం జరుగుతుందని తెలిపారు. ప్రాజెక్టు నిర్మాణంతో గ్రామాల స్వరూపం మారనుందని మంత్రి చెప్పారు. ఈ ప్రాజెక్టులో భాగంగా గ్రామీణాభివృద్ధి శాఖ ఆధ్వర్యంలో చెక్డ్యామ్, చెరువులు, కుంటలు, రాతి కట్టడాలు, భూగర్భ నీటి పెంపుదల వంటి పనులు చేపట్టనున్నట్టు తెలిపారు. వ్యవసాయ ఉత్పాదక పనిముట్లు, రైతులకు అవసరమయ్యే టార్పాలిన్ కవర్లు, స్ర్పెయర్లు, స్పింక్లర్లు అందజేస్తామని, భూమిలేని నిరుపేదలకు ఆర్థిక సహాయాన్ని అందిస్తామని మంత్రి వివరించారు.