స్పోర్ట్స్‌హబ్‌ ఏర్పాటుకు లైన్‌క్లియర్‌
ABN , First Publish Date - 2022-01-23T04:46:33+05:30 IST
గజ్వేల్‌లో స్పోర్ట్స్‌హబ్‌ ఏర్పాటుకు లైన్‌క్లియర్‌ అయింది. ఎన్నో రోజులుగా మునిసిపల్‌ ప్రజలు ఎదురుచూస్తున్న క్రీడామైదానానికి స్థలాన్ని ప్రభుత్వం కేటాయించింది.
గజ్వేల్‌లో 20 ఎకరాల కేటాయింపు
గజ్వేల్‌, జనవరి 22: గజ్వేల్‌లో స్పోర్ట్స్‌హబ్‌ ఏర్పాటుకు లైన్‌క్లియర్‌ అయింది. ఎన్నో రోజులుగా మునిసిపల్‌ ప్రజలు ఎదురుచూస్తున్న క్రీడామైదానానికి స్థలాన్ని ప్రభుత్వం కేటాయించింది. గజ్వేల్‌ పట్టణంలోని తూప్రాన్‌ రోడ్డులో ఏర్పాటు చేసిన మినీ స్టేడియంకు ఆనుకుని ఉన్న స్థలాన్ని క్రీడాహబ్‌కు కేటాయిస్తూ కలెక్టర్‌ హన్మంతరావు శుక్రవారం రాత్రి ఉత్తర్వులను వెలువరించారు. గజ్వేల్‌ పట్టణంలోని సర్వేనెంబర్‌ 560/1లో గల 20 ఎకరాల స్థలాన్ని క్రీడాశాఖ అధికారులకు అప్పగించాలని గజ్వేల్‌ ఆర్డీవోకు ఆదేశాలిచ్చారు. కాగా ఇప్పటికే ప్రభుత్వం క్రీడాహబ్‌ ఏర్పాటు కోసం రూ.2 కోట్లను మంజూరు చేసింది.
