12-14 ఏళ్ల మధ్య 2 లక్షల మంది

90 కేంద్రాలలో ఏర్పాట్లు

మేడ్చల్‌లో లక్షా 70వేల మంది

హైదరాబాద్‌ సిటీ: 12-14 ఏళ్ల వారికి వ్యాక్సిన్‌ ఇవ్వడానికి జిల్లా వైద్య ఆరోగ్యశాఖ సిద్ధమైంది. హైదరాబాద్‌ జిల్లాలో 90 పట్ణణ, ప్రాథమిక, ఆరోగ్య కేంద్రాలలో వాక్సినేషన్‌ కోసం ఏర్పాట్లు చేసింది. బుధవారం నుంచి టీకాల కార్యక్రమాన్ని ప్రారంభించనున్నట్లు డీఎంఅండ్‌హెచ్‌ డాక్టర్‌ వెంకటి, డీఐఓ డాక్టర్‌ శ్రీకళ తెలిపారు. హైదరాబాద్‌ జిల్లా పరిధిలో దాదాపు రెండు లక్షల మంది 12-14 ఏళ్ల వయస్సు వారు ఉంటారని భావిస్తున్నారు. అన్ని యూపీహెచ్‌సీలలో ఉదయం 9నుంచి సాయంత్రం 4 గంటల వరకు వ్యాక్సినేషన్లు వేయనున్నారు. ఇప్పటికే 15నుంచి 17 ఏళ్ల లోపు పిల్లలకు టీకాల కార్యక్రమం జరుగుతోంది. దీంతో యూపీహెచ్‌సీలలో ఆయా వయస్సుల వారీగా ప్రత్యేక గదులను ఏర్పాటు చేసి టీకాలు వేయనున్నారు.