Viral Video: బాటిల్ కప్ మీద ప్రయాణం కోసం కప్పల మధ్య ఫైటింగ్.. చివరకు ఏం జరిగిందో చూడండి..

సోషల్ మీడియా అందుబాటులోకి వచ్చాక రకరకాల వీడియోలు నెటిజన్లను అలరిస్తున్నాయి. ముఖ్యంగా జంతువులకు సంబంధించిన ఆసక్తికర, ఫన్నీ వీడియోలు ఎక్కువ మందిని ఆకట్టుకుంటున్నాయి. తాజాగా కప్పలకు సంబంధించిన ఓ ఫన్నీ వీడియో సోషల్ మీడియాలో బాగా వైరల్ (Viral Video) అవుతోంది. Buitengebieden ట్విటర్ హ్యాండిల్‌పై ఈ వీడియో షేర్ అయింది.

ఈ వీడియోలో.. నీటిపై తేలుతూ ముందకు వెళుతున్న సీసా మూతపై ఓ కప్ప (Frog) ఉంది. మరొక కప్ప కూడా దాని మీదకు ఎక్కడానికి ప్రయత్నిస్తోంది. అయితే మీద ఉన్న కప్ప కింద ఉన్న కప్పను పైకి రానివ్వడం లేదు. అది పైకి రావడానికి ప్రయత్నిస్తున్నప్పుడు కాలితో కిందకు తోసేస్తోంది. ఈ వీడియోను ట్విటర్‌లో పోస్ట్ చేస్తూ Final scene of the Titanic.. అని కామెంట్ చేశారు. ఈ వీడియోను ఇప్పటికి 1.30 కోట్ల మంది వీక్షించారు.