chanakya niti: ఈ మూడు పరిస్థితుల్లోని ముప్పును గ్రహించి, వెంటనే వెనక్కి తగ్గాలి... లేదని ఎదురుతిరిగితే జీవితం అల్లకల్లోలమే!
ABN , First Publish Date - 2022-11-21T07:45:15+05:30 IST
గొప్ప పండితుడు, ఉపాధ్యాయుడు, నైపుణ్యం కలిగిన దౌత్యవేత్త, వ్యూహకర్త, ఆర్థికవేత్త అయిన ఆచార్య చాణక్య జీవన విధానాన్ని రూపొందించారు. తన నీతి శాస్త్రంలో జీవితంలోని....
గొప్ప పండితుడు, ఉపాధ్యాయుడు, నైపుణ్యం కలిగిన దౌత్యవేత్త, వ్యూహకర్త, ఆర్థికవేత్త అయిన ఆచార్య చాణక్య జీవన విధానాన్ని రూపొందించారు. తన నీతి శాస్త్రంలో జీవితంలోని ప్రతి అంశాన్ని వివరంగా వివరించారు. ఈ విధానాల ద్వారా ఆచార్య చాణక్యుడు మనిషికి జీవితంలో కీలకమైన సందేశాలను కూడా అందించాడు. చాణక్యుడి విధానాల ద్వారా ఏ వ్యక్తి అయినా తన జీవితాన్ని మెరుగుపరుచుకోవచ్చు. ఇంతేకాదు ఆచార్య చాణక్యుడి విధానాలు చాలా ప్రభావవంతంగా ఉంటాయి.
చాణక్యుని విధానాలు సమస్యల నుండి బయటపడటానికి సహాయపడతాయి. చాణక్యుడు తన చాణక్యనీతిలో మనిషి కొన్ని విషయాల్లో ధైర్యం చూపించే బదులు వెనక్కి తగ్గవలసిన పరిస్థితుల గురించి చెప్పాడు, ఎందుకంటే అలాంటి సమయాల్లో ధైర్యం పనిచేయదని తెలియజేశారు. చాణక్య నీతి ప్రకారం ఇటువంటి పరిస్థితులను ఎదుర్కోవాలని చూస్తే చిక్కుల్లో పడతారని ఆచార్య చాణక్య తెలిపారు. మనిషి వాటిని ఎదుర్కొనే బదులు వెనక్కి తగ్గాల్సిన నాలుగు సందర్భాలు ఏమిటో ఇప్పుడు తెలుసుకుందాం.
నేరస్థుడు
ఆచార్య చాణక్య తెలిపిన వివరాల ప్రకారం ఒక నేరస్థుడు మీ దగ్గరికి వచ్చినా లేదా మీ సహాయం కోరినా, మీరు వెంటనే అతనికి దూరం కావాలి. ఎందుకంటే అటువంటి వ్యక్తికి సాయపడితే మీ గౌరవం, ప్రతిష్టపై ప్రతికూల ప్రభావాన్ని చూపుతుంది.
శత్రువు
మీ శత్రువు మీపై దాడి చేయడానికి వస్తే అతనితో పోరాడకుండా అక్కడ నుండి పారిపోవడమే మంచిది. ఎందుకంటే అతను ముందుగానే వ్యూహంతో వచ్చివుంటాడు. తగిన వ్యూహం లేకుండా మీరు అతనిని ఎదుర్కోలేరు అని చాణక్య నీతి చెబుతోంది. మీరు మీ ప్రాణాన్ని నిలుపుకుంటే మీరు అతనితో ఎప్పటికైనా పోటీకి దిగవచ్చు.
హింస చెలరేగినప్పుడు
ఎక్కడైనా హింస చెలరేగితే, అల్లర్లు జరిగితే వెంటనే అక్కడి నుంచి పారిపోవాలని ఆచార్య చాణక్యుడు సూచించాడు. అల్లర్లు చెలరేగినప్పుడు పరిస్థితి అదుపు తప్పుతుంది. అటువంటప్పుడు ఎప్పుడైనా మీపై దాడి జరగవచ్చు. అలాంటప్పుడు ప్రాణాలు కాపాడుకుని, అక్కడి నుంచి పారిపోవడం వివేకవంతుల లక్షణమని ఆచార్య చాణక్య తెలిపారు.
ఆర్థిక సంక్షోభం
చాణక్య నీతి ప్రకారం ఆర్థిక వ్యవస్థ మందగించిన ప్రదేశాన్ని వెంటనే వదిలివేయడం మంచిది. ఇటువంటి ప్రాంతంలో ప్రజలు ఆహారం, పానీయాలు, జీవన వనరుల కోసం తహతహలాడుతుంటారు. ఎందుకంటే అలాంటి ప్రదేశంలో ఎక్కువ కాలం ఉంటే, మీకు, మీ కుటుంబానికి హాని కలుగుతుంది.
