లారీ రివర్స్ చేస్తుండగా పెద్ద సౌండ్.. కిందకు దిగి చూసి షాక్.. ఆ డ్రైవర్ నిర్లక్ష్యం..!
ABN , First Publish Date - 2022-02-05T18:59:04+05:30 IST
నిర్లక్ష్యం నిండు ప్రాణం తీసింది.. డ్రైవర్ అజాగ్రత్త ఓ మనిషిని బలితీసుకుంది..
నిర్లక్ష్యం నిండు ప్రాణం తీసింది.. డ్రైవర్ అజాగ్రత్త ఓ మనిషిని బలితీసుకుంది.. ఫ్లై ఓవర్ నిర్మాణ ప్రాంతంలో ఉన్న లారీని అర్ధరాత్రి సమయంలో డ్రైవర్ రివర్స్ చేయడానికి ప్రయత్నించాడు.. ఆ లారీ వెనక్కి వస్తూ మంచం మీద నిద్రపోతున్న ఓ వ్యక్తి మీదకు ఎక్కేసింది.. దీంతో అతనికి తీవ్ర గాయాలయ్యాయి.. వెంటనే హాస్పిటల్కు తరలించినా ఫలితం లేకపోయింది.. మార్గమధ్యంలోనే అతను కన్నుమూశాడు.. రాజస్థాన్లోని జోధ్పూర్కు సమీపంలో ఈ ఘటన జరిగింది.
జోధ్పూర్కు సమీపంలోని కప్రాడా ప్రాంతంలోని హైవేపై ఫ్లై ఓవర్ నిర్మాణం జరుగుతోంది. అక్కడ బలరామ్ ప్రజాపతి అనే వ్యక్తి గార్డుగా పనిచేస్తున్నాడు.. డ్యూటీ అయిపోయిన తర్వాత అక్కడే ఓ మంచం వేసుకుని నిద్రపోయాడు. అర్ధరాత్రి సమయంలో అక్కడే ఉన్న ఓ లారీని రివర్స్ చేయడానికి ప్రయత్నించిన డ్రైవర్ బలరామ్ను చూసుకోలేదు. నేరుగా బలరామ్ పైకి లారీని ఎక్కించేశాడు.
ఆ ఘటనలో బలరామ్కు తీవ్ర గాయాలయ్యాయి. వెంటనే అతణ్ని హాస్పిటల్కు తరలించే ప్రయత్నం చేశారు. అయితే తీవ్ర రక్తస్రావం కావడంతో బలరామ్ మార్గమధ్యంలోనే మరణించాడు. కేసు నమోదు చేసుకున్న పోలీసులు విచారణ ప్రారంభించారు. నిర్లక్ష్యంగా వ్యవహరించిన లారీ డ్రైవర్ను అదుపులోకి తీసుకున్నారు.