Viral Video: వీధిలో మాస్ డ్యాన్స్ అదరగొట్టిన బాలిక.. నెటిజన్లు ఫిదా!

సాంప్రదాయ నృత్యాల కంటే జానపద నృత్యాలు, ఊర మాస్ డ్యాన్స్‌లు చిన్న పిల్లలను బాగా ఆకట్టుకుంటాయి. ఆ సౌండ్‌కు చిన్నారులు కూడా చిందులేస్తుంటారు. ఓ బాలిక వీధి కళాకారులతో కలిసి మాస్ డ్యాన్స్ చేస్తున్న వీడియో ప్రస్తుతం సోషల్ మీడియాలో బాగా వైరల్ (Viral Video) అవుతోంది. కర్ణాటకలోని ఉడిపిలో ఈ వీడియోను చిత్రీకరించారు. VisitUdupi అనే ట్విటర్ పేజీలో ఈ వీడియో పోస్ట్ అయింది. 

ఈ వీడియోలో ఒక మహిళ చిన్న అమ్మాయితో కలిసి డ్యాన్సర్ వద్దకు వెళ్లి పూలమాల వేసింది. తనతో పాటు ఉన్న బాలికను ఆ డ్యాన్సర్‌తో పాటు డ్యాన్స్ వేయమని ప్రోత్సహించింది. చుట్టుపక్కల ఉన్న వారు కూడా ఆ బాలికను ఉత్సాహపరిచారు. దీంతో ఆ బాలిక మ్యూజిక్‌కు అనుగుణంగా డ్యాన్సర్‌ను అనుకరిస్తూ డ్యాన్స్ (Little girl dance) వేసింది. ఆగస్టు 13న పోస్ట్ అయిన ఈ వీడియో ఇప్పటివరకు ఐదు లక్షల వ్యూస్ దక్కించుకుంది. చక్కగా డ్యాన్స్ చేసిన చిన్నారిపై నెటిజన్లు ప్రశంసలు కురిపిస్తున్నారు.