మూడోకంటికి తెలియకుండా ఒక కుర్రాడిని రెండేళ్ల పాటు ఇంటిలో దాచిన మహిళా టీచర్!

ఒక మహిళా టీచర్ చేసిన పని ఇప్పుడు చర్చాంశనీయంగా మారింది. ఇంటి నుంచి పారిపోయిన ఒక పిల్లవాడిని ఆమె తన ఇంటిలో దాచివుంచింది. ఆ పిల్లవాడు తన ఇంటికి సుమారు 32 కిలోమీటర్ల దూరంలోనే రెండేళ్ల పాటు రహస్యంగా ఉన్నాడు. అయితే ఈ విషయం ఎవరికీ తెలియకపోవడం విశేషం. కాగా ఉన్నట్టుండి తమ పిల్లవాడు మాయం కావడంతో కుటుంబ సభ్యులు ఆందోళనకు లోనయ్యారు. వారి ఫిర్యాదు మేరకు పోలీసులు ఆ కుర్రాడిని వెదికేందుకు ఎంతగానో శ్రమించారు. అయితే వారి ప్రయత్నాలు విఫలమయ్యాయి. మాయమైన కుర్రాడి గర్ల్‌ఫ్రెండ్ తల్లే ఆ టీచర్.

61 ఏళ్ల మహిళా ఉపాధ్యాయురాలు క్యాస్టిలో ఓలివరేస్ అమెరికాలోని కాలిఫోర్నియాలో ఉంటోంది. ఆమె మైకేల్ రమీరెజ్ (ఆ కుర్రాడు)ని తన ఇంటిలో దాచి ఉంచింది. ఆ కుర్రాడు తన ఇంటి నుంచి వెళ్లిపోయినప్పుడు అతని వయసు 15 ఏళ్లు. ఆ కుర్రాడు తన అంకుల్ ఇంటిలో ఉండేవాడు. అంకుల్ అతనిని ఇబ్బందులకు గురిచేసేవాడు. 2020 నవంబరు 9న ఆ కుర్రాడు అదృశ్యమయ్యాడంటూ అంకుల్ పోలీసులకు ఫిర్యాదు చేశాడు. దీంతో పోలీసులు ఆ కుర్రాడిని వెదికేందుకు ప్రయత్నించారు. అయినా ఫలితం లేకపోయింది. అయితే ఆ కుర్రాడి అత్త స్కూలు టీచర్ ఓలివరేస్‌పై అనుమానం వ్యక్తం చేసింది. అయితే రెండేళ్ల తరువాత ఆ కుర్రాడు తన అంకుల్, ఆంటీల దగ్గరకు వచ్చాడు. ఈ సమాచారం పోలీసులకు చేరింది. వారు ఆ టీచర్ ను అదుపులోకి తీసుకుని దర్యాప్తు చేస్తున్నారు.