ఎంత పెద్ద కారో!
ABN , First Publish Date - 2022-04-05T05:30:00+05:30 IST
ఈ కారును చూస్తే ఎవరైనా నోరెళ్ల బెట్టాల్సిందే! ఆధునిక హంగులు ఉన్న ఎలాంటి కారైనా ఈ కారు ముందు దిగదిడుపే! అందుకే గిన్నిస్ వరల్డ్ రికార్డుల్లోనూ ఈ కారుకు చోటు దక్కింది.
ఈ కారును చూస్తే ఎవరైనా నోరెళ్ల బెట్టాల్సిందే! ఆధునిక హంగులు ఉన్న ఎలాంటి కారైనా ఈ కారు ముందు దిగదిడుపే! అందుకే గిన్నిస్ వరల్డ్ రికార్డుల్లోనూ ఈ కారుకు చోటు దక్కింది. ఆ కారు విశేషాలు ఇవి....
ఒక కారులో ఎంత మంది వెళతారు. పెద్ద కారైతే ఏడుగురు. కానీ ఈ కారులో ఒకేసారి 75 మంది ప్రయాణించొచ్చు. ఈ కారు పొడవు 100 అడుగులపైనే!
ఇక ఇందులో ఉన్న సౌకర్యాల లిస్ట్ చెబితే ఆశ్చర్యపోకుండా ఉండలేరు. ఈ కారులో ఒక స్విమ్మింగ్పూల్, బాత్టబ్, మినీ గోల్ఫ్కోర్స్.... ఇలా బోలెడు సదుపాయాలున్నాయి. హెలికాప్టర్ ల్యాండ్ అయ్యేందుకు హెలీప్యాడ్ కూడా ఉంది.
అన్ని కార్లకు నాలుగు టైర్లుంటే ఈ కారుకు మాత్రం 26 టైర్లుంటాయి. ముందుభాగంలో ఒక ఇంజన్, వెనక భాగంలో ఒక ఇంజన్ ఉంటుంది.
అమెరికన్ డ్రీమ్ అని పిలిచే కారు ప్రస్తుతం ఫ్లోరిడాలోని డెజర్ల్యాండ్ పార్క్ కార్ మ్యూజియంలో ఉంది. నిజానికి ఈ కారుని 1986లో తయారుచేశారు. అప్పుడే గిన్నిస్ రికార్డుల్లోకి ఎక్కింది. తాజాగా ఆ కారుకు కొన్ని మరమ్మతులు చేసి బయటకు తీశారు. దాంతో ఆ కారు మళ్లీ వార్తల్లోకి ఎక్కింది.