డాక్టరును కొట్టిన మిజోరాం సీఎం కుమార్తె
ABN , First Publish Date - 2022-08-22T08:18:56+05:30 IST
తన కుమార్తె అమర్యాదకరంగా ప్రవర్తించడంతో మిజోరాం ముఖ్యమంత్రి జోరాంథాంగ బహిరంగ క్షమాపణలు చెప్పారు.
క్షమాపణలు చెప్పిన ముఖ్యమంత్రి
గువాహటి, ఆగస్టు 21: తన కుమార్తె అమర్యాదకరంగా ప్రవర్తించడంతో మిజోరాం ముఖ్యమంత్రి జోరాంథాంగ బహిరంగ క్షమాపణలు చెప్పారు. ఆయన కుమార్తె మిలారీ ఛాంగ్టే.. బుధవారం వైద్య సలహా నిమిత్తం ఓ చర్మవైద్యుని వద్దకు వెళ్లారు. అయితే ముందుగా అపాయింట్మెంట్ తీసుకోనందున చూడడానికి ఆయన నిరాకరించారు. దాంతో ఆమె దురుసుగా వెళ్లి వైద్యుడి ముఖంపై కొట్టారు. ఇందుకు సంబంధించిన వీడియో వైరల్గా మారడంతో సీఎం కుటుంబీకులపై సామాజికమాధ్యమాల్లో విమర్శలు వెల్లువెత్తాయి. ఈ నేపథ్యంలో సీఎం తన ఇన్స్టాగ్రాంలో క్షమాపణలు చెప్పారు.
