Horse riding: ఉత్సాహంగా గుర్రపు స్వారీ పోటీలు

ప్యారీస్‌(చెన్నై), డిసెంబరు 3: గుర్రపు స్వారీపై ప్రజల్లో మళ్లీ ఆసక్తి నెలకొనడంతో ప్రైవేటు సంస్థల ద్వారా రాష్ట్రస్థాయి గుర్రపు స్వారీ(Horse riding) పోటీలు సేలంలో ఉత్సాహంగా శనివారం ప్రారంభమయ్యాయి. సేలంపట్టణం సిరుమలర్‌ మహోన్నత పాఠశాల ప్రాంగణంలో నిర్వహించిన ఈ పోటీల్లో 12 జిల్లాలకు చెందిన విద్యార్థినీ, విద్యార్థులతో పాటు యువకులు పాల్గొన్నారు. సేలం ప్రాంతంలో కరోనాకు ముందు నిర్వహించిన పోటీలను నాలుగేళ్ల అనంతరం మళ్లీ ప్రారంభించారు. హార్స్‌ రైడింగ్‌ సంఘం రాష్ట్ర కార్యదర్శి చంద్రూ ఈ పోటీల నిర్వహణపై మీడియాతో మాట్లాడుతూ, గుర్రపు స్వారీపై చిన్నారులు ఎక్కువ ఆసక్తి కనపరుస్తున్నారని, తమ సంఘం తరఫున ఐదేళ్ల నుంచి 72 ఏళ వరకు తదుపరి విడత పోటీలతో పాటు జాతీయస్థాయిలో కూడా త్వరలోనే నిర్వహించనున్నట్లు తెలిపారు.