లైంగిక సంబంధాల వీడియోలు పోస్టు చేయొద్దు
ABN , First Publish Date - 2022-12-02T03:59:58+05:30 IST
లైంగిక సంబంధాలకు చెందిన వీడియోలను పోస్టు చేయడం, షేర్ చేయడం తగదని ఢిల్లీ హైకోర్టు స్పష్టం చేసింది. అలా చేయడం ద్వారా బాధితులకు
న్యూఢిల్లీ, డిసెంబరు 1: లైంగిక సంబంధాలకు చెందిన వీడియోలను పోస్టు చేయడం, షేర్ చేయడం తగదని ఢిల్లీ హైకోర్టు స్పష్టం చేసింది. అలా చేయడం ద్వారా బాధితులకు సరిదిద్దలేని హాని జరుగుతుందని పేర్కొంది. ఒక న్యాయ అధికారి మరో మహిళతో సన్నిహితంగా మెలిగిన పాత వీడియో ఒకదాన్ని మంగళవారం కొందరు సోషల్ మీడియాలో పోస్టు చేశారు. దాంతో దాన్ని బ్లాక్ చేయాలంటూ బాధితులు చేసిన పిటిషన్ను బుధవారం జస్టిస్ యశ్వంత్ వర్మ విచారణకు స్వీకరించారు. ఇది బాధితుల గోప్యత హక్కుకు భంగం కలిగిస్తుందని, అందువల్ల ఇతర పక్షాల వాదనలు వినకుండానే దానిని మూసివేసేలా ఆదేశాలు ఇస్తున్నట్టు తెలిపారు.
