ప్రపంచంపై భారత సంతతి ముద్ర!
ABN , First Publish Date - 2022-10-26T04:35:11+05:30 IST
బ్రిటన్ ప్రధానమంత్రిగా రిషి సునాక్ బాధ్యతలు చేపట్టడంతో భారత సంతతి వ్యక్తులు పాలనపరంగా అత్యంత కీలక పదవిని చేపట్టిన దేశాల్లో యూకే కూడా చేరింది.
ఆరు దేశాల్లో కీలక పదవుల్లో భారత మూలాలున్న వ్యక్తులు
న్యూఢిల్లీ, అక్టోబరు 25: బ్రిటన్ ప్రధానమంత్రిగా రిషి సునాక్ బాధ్యతలు చేపట్టడంతో భారత సంతతి వ్యక్తులు పాలనపరంగా అత్యంత కీలక పదవిని చేపట్టిన దేశాల్లో యూకే కూడా చేరింది. ఇది కాక ఇప్పటికే మరో ఐదు దేశాల్లో భారత మూలాలున్న వ్యక్తులు తమ నాయకత్వ పటిమను ప్రదర్శిస్తున్నారు. అత్యంత శక్తిమంతమైన దేశాల్లో ఒకటైన అమెరికాకు ఉపాధ్యక్షురాలిగా కమలా హారిస్ ఎన్నికై ఆమె సంచలనం సృష్టించారు. మారిషస్ దేశంలో అధ్యక్షుడు పృథ్వీరాజ్సింగ్ రూపున్, ప్రధాని ప్రవింద్ జగన్నాథ్ భారత మూలాలున్న హిందూకుటుంబానికి చెందినవారు. గయానా దేశ అధ్యక్షుడిగా ఉన్న మహ్మద్ ఇర్ఫాన్ అలీ తల్లిదండ్రుల్లో ఒకరిది గయానా కాగా మరొకరిది భారత్. సురినామ్కు అధ్యక్షుడిగా భారత సంతతి వ్యక్తి చంద్రిక ప్రసాద్ సంతోఖి విధులు నిర్వర్తిస్తున్నారు. పోర్చు గీసు ప్రస్తుత ప్రధాని ఆంటోనియో కోస్టా తాత గోవాలో జన్మించారు.
