Hcl Technologiesలో టెక్బీ ప్రోగ్రామ్
ABN , First Publish Date - 2022-07-16T21:58:27+05:30 IST
నోయిడాలోని హిందుస్థాన్ కంప్యూటర్స్ లిమిటెడ్(Hindustan Computers Ltd)(హెచ్సీఎల్) టెక్నాలజీస్ - ‘టెక్ బీ’ ప్రోగ్రామ్లో ప్రవేశానికి దరఖాస్తులు కోరుతోంది. అభ్యర్థులు ఐటీ ఉద్యోగులుగా
నోయిడాలోని హిందుస్థాన్ కంప్యూటర్స్ లిమిటెడ్(Hindustan Computers Ltd)(హెచ్సీఎల్) టెక్నాలజీస్ - ‘టెక్ బీ’ ప్రోగ్రామ్లో ప్రవేశానికి దరఖాస్తులు కోరుతోంది. అభ్యర్థులు ఐటీ ఉద్యోగులుగా రాణించేందుకు, అసోసియేట్స్గా ఎదిగేందుకు ఈ ప్రోగ్రామ్ తోడ్పడుతుంది. సంస్థ నిర్వహించే కెరీర్ ఆప్టిట్యూడ్ టెస్ట్, ఇంటర్వ్యూ ద్వారా అభ్యర్థులను ఎంపిక చేస్తారు. ప్రోగ్రామ్ వ్యవధి ఏడాది. హైదరాబాద్, విజయవాడ సహా నోయిడా, లఖ్నవూ, నాగ్పూర్, చెన్నైలలో శిక్షణ కేంద్రాలు ఉన్నాయి. ఇంటర్న్షిప్ సమయంలో నెలకు రూ.10,000ల స్టయిపెండ్ ఇస్తారు. శిక్షణ పూర్తయిన అభ్యర్థులకు సంస్థలో సాఫ్ట్వేర్ ఇంజనీర్/డిజైన్ ఇంజనీర్గా ఉద్యోగావకాశం కల్పిస్తారు. ఆసక్తిగలవారు ఉద్యోగం చేస్తూనే బిట్స్ పిలానీ, శస్త్ర యూనివర్సిటీలలో చదువుకునే అవకాశం ఉంది. సంబంధిత గ్రాడ్యుయేషన్ కోర్సులకయ్యే ఖర్చును నిబంధనల ప్రకారం సంస్థ భరిస్తుంది.
విభాగాలు: డెవలప్ అప్లికేషన్స్, సాఫ్ట్వేర్ ఇంజనీర్, కోడింగ్, టెస్టింగ్ ఇంజనీర్, అనలిస్ట్, ప్రొడక్ట్స్ అండ్ అప్లికేషన్, డిటెక్టింగ్ బగ్స్ అండ్ రన్నింగ్ డయాగ్నస్టిక్స్ ఆఫ్ సాఫ్ట్వేర్ అప్లికేషన్స్, రిసెర్చ్ అండ్ డెవల్ప్మెంట్, డిజైన్ ఇంజనీర్, ప్రొడక్ట్ అండ్ అప్లికేషన్ డిజైన్, ఇన్ఫ్రాస్ట్రక్చర్ మేనేజ్మెంట్, వెబ్ సర్వర్ డెప్లాయ్మెంట్, ప్రాసెస్ ఆటొమేషన్, సెక్యూరిటీ పాలసీ ఇంప్లిమెంటేషన్
ప్రోగ్రామ్ వివరాలు: దీనిని హైబ్రిడ్(ఆన్లైన్ సెషన్స్, తరగతి గది బోధన) విధానంలో నిర్వహిస్తారు. ఇందులో మొదట ఐటీ ఫౌండేషన్ అంశాలు బోధిస్తారు. ఐటీ ఫండమెంటల్స్, ఐటీ ప్రొఫెషనల్స్కు అవసరమయ్యే అంశాలు వివరిస్తారు. తరవాత ట్రెయినింగ్ ఫర్ జాబ్ సెషన్స్ ఉంటాయి. ఇందులో జాబ్ బేస్డ్ లెర్నింగ్ మేనేజ్మెంట్ సిస్టమ్, సిమ్యులేషన్స్, కేస్ బేస్డ్ ప్రాక్టికల్ కరిక్యులమ్, పీర్ బేస్డ్ డిస్కషన్స్, లైఫ్ కోచెస్ టూల్స్ తదితర అంశాల్లో శిక్షణ ఇస్తారు. సంస్థకు చెందిన గ్లోబల్ ప్రాజెక్ట్లలో ఇంటర్న్షిప్ పూర్తిచేయాల్సి ఉంటుంది. ప్రోగ్రామ్కు సంబంధించిన స్టడీ మెటీరియల్ను సంస్థ అందిస్తుంది. అభ్యర్థులు సమయానుసారం అసె్సమెంట్లు, అసైన్మెంట్లు సబ్మిట్ చేయాలి.
అర్హత: మేథమెటిక్స్/ బిజినెస్ మేథమెటిక్స్ ఒక సబ్జెక్ట్గా ప్రథమ శ్రేణి మార్కులతో ఇంటర్/ పన్నెండో తరగతి/ తత్సమాన పరీక్ష (2021/2022) ఉత్తీర్ణులైనవారు దరఖాస్తు చేసుకోవచ్చు.
ఆప్టిట్యూడ్ టెస్ట్: ఇందులో క్వాంటిటేటివ్, లాజికల్ రీజనింగ్, ఇంగ్లీష్ ఎబిలిటీ సంబంధిత ప్రశ్నలు అడుగుతారు. ఇంటర్ స్థాయిలో ప్రశ్నలు ఉంటాయి. ఇందులో అర్హత సాధించిన అభ్యర్థులకు ఫేస్ టు ఫేస్ ఇంటరాక్షన్ విధానంలో ఇంటర్వ్యూలు నిర్వహించి ఎంపిక చేస్తారు.
వెబ్సైట్: hcltechbee.com
