ఘనంగా వేమన జయంత్యుత్సవాలు
ABN , First Publish Date - 2022-01-19T06:32:42+05:30 IST
ఆరవల్లిలో యోగి వేమన 67వ జయంతి ఉత్సవాలు మంగళవారం ఘనంగా నిర్వహించారు.
అత్తిలి, జనవరి 18: ఆరవల్లిలో యోగి వేమన 67వ జయంతి ఉత్సవాలు మంగళవారం ఘనంగా నిర్వహించారు. పల్లకిపై వేమన చిత్రపటాన్నుంచి బాణా సంచా కాల్పులతో ఘనంగా ఊరేగించారు. ఆలయ ప్రాంగణంలో భజనలు, కీర్తనలు, సినీ సంగీత విభావరి నిర్వహించారు. ఉత్సవాలకు హాజ రైన వేలాది మంది భక్తులకు దాతల సహకారంతో అన్నదానం చేశారు. ఏ జీవి ఆకలితో అలమటించకూడదనే ఉద్ధేశంతో వేమన జయంతినాడు పిండివంటలను కావిళ్లతో తీసుకువెళ్లి శునకాలకు అన్నదానం నిర్వహిస్తున్నామని చైర్మన్‌ వెలగల అమ్మిరెడ్డి తెలిపారు. పెద్ద సంఖ్యలో భక్తులు హాజరయ్యారు. విద్యుత్‌ దీపాలు ఉత్సవాలకు ప్రత్యేక ఆకర్షణగా నిలిచాయి.
