క్వారీ నిర్వహణపై ప్రజాభిప్రాయ సేకరణ

ABN , First Publish Date - 2022-12-15T00:09:22+05:30 IST

గరుడుబిల్లి గ్రామం సమీపంలో గల క్వారీ నిర్వహణకు అనుమతులపై బుధవారం అధికారులు ప్రజా భిప్రాయ సేకరణ చేపట్టారు.

క్వారీ నిర్వహణపై ప్రజాభిప్రాయ సేకరణ

బొండపల్లి: గరుడుబిల్లి గ్రామం సమీపంలో గల క్వారీ నిర్వహణకు అనుమతులపై బుధవారం అధికారులు ప్రజా భిప్రాయ సేకరణ చేపట్టారు. ఎంపీడీవో కార్యాలయ ఆవరణలో ఏపీ కాలుష్య నియంత్రణ మండలి ఆఽధ్వర్యంలో ఈ కార్య క్రమాన్ని నిర్వహించారు. గ్రామ సర్వే నెంబరు 187/2లో గల ఎనిమిది హెక్టార్లలో ఉన్న క్వారీ నుంచి రోడ్డు మెటల్‌తోపాటు బిల్డింగ్‌ స్టోన్స్‌ ఉత్పత్తికి అనుమతులు కేటాయించడంపై విజయనగరం డీఆర్వో ఎం.గణపతిరావు ఆధ్వర్యంలో ప్రజల అభిప్రాయం తెలుసుకున్నారు. క్వారీ నిర్వహ ణకు గతంలో ఇచ్చిన గడువు ముగిసిందని, దీన్ని కొనసాగింపుపై ప్రజల అభిప్రా యం తెలుసుకుంటున్నట్టు డీఆర్వో తెలిపారు. గరుడుబిల్లి, కొండకిండాం, వేండ్రాం తదితర గ్రామాలకు చెందిన ప్రజలకు తమకు చెప్పారు. యాజమాన్యం నిబంధనలు ప్రకారం చేయాల్సిన పనులు చేసేలా చర్యలు తీసుకోవాలని కోరారు. కార్యక్రమంలో ఏపీ కాలుష్య నియంత్రణ బోర్డు ఈఈ సుదర్శన్‌, భూగర్భ గనుల శాఖ ఏడీ మహేశ్వరరావు, తహసీల్దార్‌ శ్రీనివాస్‌మిశ్రా తదితరులు పాల్గొన్నారు.

Updated Date - 2022-12-15T00:09:24+05:30 IST