హెచ్ఎం సస్పెన్షన్
ABN , First Publish Date - 2022-12-31T00:13:49+05:30 IST
రావాడ గొల్లపేట ప్రాథమిక ఉన్నత పాఠశాల హెచ్ఎం చింతల రామచంద్రరావును డీఈవో లింగేశ్వరరెడ్డి సస్పెండ్ చేసినట్లు ఎంఈవో ఎం.రమణమూర్తి శుక్రవారం తెలిపారు.
భోగాపురం: రావాడ గొల్లపేట ప్రాథమిక ఉన్నత పాఠశాల హెచ్ఎం చింతల రామచంద్రరావును డీఈవో లింగేశ్వరరెడ్డి సస్పెండ్ చేసినట్లు ఎంఈవో ఎం.రమణమూర్తి శుక్రవారం తెలిపారు. రావాడ గొల్లపేట ప్రాథమిక పాఠశాలలో హెచ్ఎంగా పనిచేస్తున్న రామచంద్రరావు ఈనెల 29న విధులకు హాజరు కానట్లు అక్కడి స్థానికులు ఫోన్ ద్వారా తమకు సమాచారం ఇచ్చారని ఎంఈవో చెప్పారు. దీంతో ఉదయం 11 గంటల సమయంలో ఏపీఎం రమణతో కలిసి పాఠశాలను సందర్శించామన్నారు. ఆ సమయంలో రామచంద్రరావు పాఠశాలలో లేరని, ఫోన్ చేస్తే ఎటువంటి స్పందన లేదని చెప్పారు. ఈ మేరకు నివేదిక తయారు చేసి, డీఈవోకు నివేదించగా, రామచంద్రరావును సస్పెండ్ చేశారని ఎంఈవో తెలిపారు.
