గిరిజన యువత క్రీడల్లో రాణించాలి
ABN , First Publish Date - 2022-03-05T06:16:54+05:30 IST
గిరిజన యువత క్రీడారంగంలో రాణించాలని జిల్లా ఎస్పీ బి.కృష్ణారావు ఆకాంక్షించారు.
రూరల్ ఎస్పీ క్రిష్ణారావు
పాడేరురూరల్, మార్చి 4: గిరిజన యువత క్రీడారంగంలో రాణించాలని జిల్లా ఎస్పీ బి.కృష్ణారావు ఆకాంక్షించారు. శుక్రవారం స్థానిక సీఏహెచ్ స్కూల్ మైదానంలో పోలీస్ శాఖ ఆధ్వర్యంలో నిర్వహించిన యువహో మెగా వాలీబాల్ ముగింపు కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ.. గిరిజన యువత తప్పుడు మార్గంలోకి వెళ్లకుండా ఉంచాలని, వారికి ఉద్యోగ, ఉపాధి అవకాశాలు కల్పించేందుకు పోలీస్ శాఖ చర్యలు తీసుకుంటుందన్నారు. ఈ వాలీబాల్ పోటీల్లో 381 వాలీబాల్ జట్లు పాల్గొన్నాయి. అనంతరం ప్రథమ స్థానంలో నిలిచిన అరకు క్రీడాకారులకు రూ.50 వేలు, ద్వితీయ స్థానంలో నిలిచిన పెదబయలు క్రీడాకారులకు రూ.25 వేలు, తృతీయ స్థానం కైవసం చేసుకున్న చింతపల్లి క్రీడాకారులకు రూ.15 వేలు నగదును అందజేశారు. ఈకార్యక్రమంలో ఓఎస్డీ ఎస్.సతీష్కుమార్, స్థానిక ఏఎస్పీ పి.జగదీష్, చింతపల్లి ఏఎస్పీ తుసార్ డుడీ, నర్సీపట్నం ఏఎస్పీ మణికంఠచందుల్ పాల్గొన్నారు.