6 నుంచి బొమ్మూరులో కళా ఉత్సవ్‌

అమలాపురం టౌన్‌, డిసెంబరు 1: విద్యార్థుల్లో దాగి ఉండే కళా నైపుణ్యాలను వెలికితీసి ప్రోత్సహించేందుకు ఉమ్మడి తూర్పు గోదావరి జిల్లా స్థాయి కళా ఉత్సవ్‌ పోటీలు-2022ను బొమ్మూరు డైట్‌ సెంటర్‌లో నిర్వహిస్తామని ఆ కళాశాల ప్రిన్సిపాల్‌ ఏఎన్‌ఆర్‌ సుబ్రహ్మణ్యం గురువారం ఒక ప్రకటనలో తెలిపారు. ఈ నెల 6, 7 తేదీల్లో గాత్ర సంగీతం, వాద్య పరికరాల సంగీతం, నృత్యం, దృశ్యకళలు, డ్రామా తదితర పది విభాగాల్లో ఈ పోటీలు నిర్వహిస్తామన్నారు. 9, 10, 11, 12 తరగతులు చదువుతూ డివిజన్‌ స్థాయిలో ఎంపికైన విద్యార్థులు ఈ పోటీలకు అర్హులు. సంబంధిత ధ్రువపత్రాలతో పోటీలకు హాజరుకావాలని కోరారు. ప్రతిభ కనబరిచిన వారిని బాలుర, బాలికల విభాగాల్లో ఎంపిక చేసి రాష్ట్రస్థాయి పోటీలకు 40 మందిని పంపిస్తారు. మరిన్ని వివ రాలకు కేవీ సూర్యనారాయణ, (9949602721), కె.గంగాధరరావు (9440339416)లను సంప్రదించాలన్నారు.