తూచ.. అది బంగారం కాదు..!

ABN , First Publish Date - 2022-12-31T00:34:22+05:30 IST

పామిడి శివారులోని కేజీబీవీలో అనిత పీఈటీగా పనిచేస్తోంది. ఎప్పటిలాగే 44వ నెంబరు జాతీయ రహదారిపై దిగి, పాఠశాలకు వెళుతోంది. ఈ మార్గంలో ముళ్ల పొదలు ఉన్నాయి. తన కుమా రుడిని ఎత్తుకుని, చకచకా నడుస్తున్న ఆమెపై పొదల మధ్య నుంచి ఇద్దరు అగంతకులు వచ్చి దాడి చేశారు.

తూచ.. అది బంగారం కాదు..!
బాధితురాలు అనిత

పామిడి కేజీబీవీ దారిలో చైన స్నాచింగ్‌

పామిడి శివారులోని కేజీబీవీలో అనిత పీఈటీగా పనిచేస్తోంది. ఎప్పటిలాగే 44వ నెంబరు జాతీయ రహదారిపై దిగి, పాఠశాలకు వెళుతోంది. ఈ మార్గంలో ముళ్ల పొదలు ఉన్నాయి. తన కుమా రుడిని ఎత్తుకుని, చకచకా నడుస్తున్న ఆమెపై పొదల మధ్య నుంచి ఇద్దరు అగంతకులు వచ్చి దాడి చేశారు. చంటి బిడ్డను లాక్కునేందుకు ఒకరు యత్నిం చారు. మరొకరు వెనుకవైపు నుంచి దాడిచేసి, ఆమె మెడలోని చైనను తెంచుకున్నారు. ఆ తరువాత ఇద్దరూ ద్విచక్ర వాహనంలో ఉడాయించారు. ఈ ఘటనపై స్థానిక పోలీస్‌ స్టేషనలో బాధితురాలు ఫిర్యాదు చేశారు. సీఐ కిరణ్‌ కుమార్‌ రెడ్డి ఘటనా స్థలాన్ని పరిశీలించారు. ట్విస్ట్‌ ఏమిటంటే.. ఆ దుండగులు తెంచుకు వెళ్లింది బంగారం గొలుసు కాదు..! అది గిల్ట్‌ చైన..! ఈ మార్గంలో ఇలాంటి ఆపదలు పొంచి ఉంటాయని గ్రహించిన మహిళా సిబ్బంది, స్వీయ రక్షణ కోసం జాగ్రత్తలు తీసుకుంటున్నారు. కారంపొడి, కత్తులను హ్యాండ్‌ బ్యాగ్‌లో తీసుకువెళుతున్నామని సీఆర్‌టీ సునీత వాపోయారు. - పామిడి

Updated Date - 2022-12-31T00:34:22+05:30 IST

Read more