అదుపు తప్పిన కంటైనర్‌
ABN , First Publish Date - 2021-11-01T05:10:36+05:30 IST
అదుపు తప్పిన కంటైనర్‌
ఘట్‌కేసర్‌ రూరల్‌ : ఔటర్‌రింగు రోడ్డుపై ఆదివారం తెల్లవారుజామున కంటైనర్‌ అదుపు తప్పి రెండు బ్రిడ్జిల మధ్య చిక్కుకుంది. ఈ ఘటన ఘట్‌కేసర్‌ పోలీసుస్టేషన్‌ పరిధిలో చోటు చేసుకుంది. ఢిల్లీ నుంచి చెన్నై వెళు తున్న కంటైనర్‌ (హెచ్‌అర్‌ 55ఎజే 3400) ఆదివారం తెల్లవారుజామున ఘణాపూర్‌ వద్ద ఔటర్‌పై అదుపుతప్పి డివైడర్‌ను ఢీకొట్టింది. రెండు బ్రిడ్జిల మధ్య అండర్‌పాస్‌ వద్ద చిక్కుకుంది. ఈ ప్రమాదంలో డ్రైవర్‌ రుక్ముద్దీన్‌(36)కు గాయాలై క్యాబిన్‌లోనే ఇరుక్కుపోయాడు. స్థానికుల సమాచారం మేరకు పోలీసులు సంఘటనా స్థలానికి చేరుకుని ఎక్స్‌కవేటర్‌ సహాయంతో డ్రైవర్‌ను బయటకు తీసి చికిత్స నిమిత్తం ఆసుపత్రికి తరలించారు. కేసు దర్యాప్తు చేస్తున్నట్లు సీఐ తెలిపారు.
