వరలక్ష్మీ పూజలతో ఆధ్యాత్మిక సందడి
ABN , First Publish Date - 2021-08-21T06:59:54+05:30 IST
శ్రావణ శుక్రవారం సందర్భంగా జిల్లా వ్యాప్తంగా వరలక్ష్మీ వ్రత పూజలను మహిళలు భక్తి శ్రద్ధలతో నిర్వహించారు. ఈ సందర్భంగా దేవాలయాల్లో ఆధ్యాత్మిక సందడి నెలకొంది. పలు ప్రాంతాల్లో మహిళలు సామూహికంగా వరలక్ష్మీ వ్రతాలు, కుంకుమార్చనలు నిర్వహించి వాయినాలు ఇచ్చిపుచ్చుకున్నారు. పలువురు ఇళ్లలో వ్రతాలను ఆచరించారు.
చౌటుప్పల్‌ టౌన్‌, ఆగస్టు 20: చౌటుప్పల్‌లోని శ్రీసీతారామ చంద్రస్వామి, అయ్యప్పస్వామి దేవాలయాల్లో మహిళలు సామూహికంగా వరలక్ష్మీ వ్రతా లను ఆచరించారు. కార్యక్రమాల్లో మునిసిపల్‌ చైర్మన్‌ వెన్‌రెడ్డి రాజు, వైస్‌ చైర్మన్‌ బత్తుల శ్రీశైలం గౌడ్‌, దేవస్థాన కమిటీల అధ్యక్షులు డి.గోవర్థన్‌రెడ్డి, బి.మురళి తదితరులు పాల్గొన్నారు.
వలిగొండ: మండల కేంద్రంలోని హరిహర త్రిశక్తి క్షేత్రంలో మహాకాళి, మహాలక్ష్మి, మహాసరస్వతి అమ్మవార్లకు ప్రత్యేక అభిషేకాలు, ఫలాలతో అర్చ కులు అలంకరణ చేశారు. మండలంలోని పలు ఆలయాలు అమ్మవార్ల నామస్మరణలతో మార్మోగాయి.
భూదాన్‌పోచంపల్లి: భూదాన్‌పోచంపల్లిల్లోని శ్రీలక్ష్మీనారాయణస్వామి దేవా లయంలో శ్రీలక్ష్మీనారాయణస్వామి భజనమండలి, మార్కండేశ్వరస్వామి దేవాలయంలో శ్రీశంకర మహిళా భజనమండలి ఆధ్వర్యంలో సామూహిక వరలక్ష్మీ వ్రతాలు నిర్వహించారు.
సంస్థాన్‌ నారాయణపురం: మండలంలో శుక్రవారం పలు దేవాలయాల్లో వరలక్ష్మీ వ్రతాలను మహిళలు సామూహికంగా ఆచరించారు. ఆలయాల్లో ప్రత్యేక పూజలు చేశారు. దేవాలయాలు భక్తులతో సందడిగా మారాయి.
యాదాద్రి రూరల్‌: యాదగిరిగుట్ట పట్టణంలో అత్యంత వైభవంగా వరలక్ష్మీ వ్రతాలను ఆచరించారు. మహిళలు అమ్మవార్లను పూలు, పండ్లు, పసుపు, కుంకుమతో అలంకరించి ప్రత్యేక పూజలు నిర్వహించారు.
చౌటుప్పల్‌ రూరల్‌: శ్రావణ శుక్రవారం సందర్భంగా చౌటుప్పల్‌ మండలంలోని దేవాలయాల్లో, ఇళ్లల్లో వరలక్ష్మీ వ్రతాలను ఆచరించారు. లక్ష్మీ దేవికి ప్రత్యేక పూజలు చేశారు.
