ఇన్‌స్పైర్‌ అవార్డు పోటీలకు 10 ప్రాజెక్టుల ఎంపిక
ABN , First Publish Date - 2021-12-16T05:26:52+05:30 IST
విద్యార్థుల్లోని పరిశోధనాశక్తిని, సృజనాత్మకతను ప్రోత్సహించే లక్ష్యంతో నిర్వహిస్తున్న ఇన్‌స్పైర్‌ అవార్డు మానక్‌ 2020-21 రాష్ట్రస్థాయి పోటీలకు జిల్లా నుంచి 10 ప్రాజెక్టులు ఎంపికైనట్లు డీఈవో రమే్‌షకుమార్‌, జిల్లా సైన్స్‌ అధికారి రాజిరెడ్డి తెలిపారు.
మెదక్ జిల్లా అదనపు కలెక్టర్‌ ప్రతిమాసింగ్‌
మెదక్ అర్బన్‌, డిసెంబరు 15 : విద్యార్థుల్లోని పరిశోధనాశక్తిని, సృజనాత్మకతను ప్రోత్సహించే లక్ష్యంతో నిర్వహిస్తున్న ఇన్‌స్పైర్‌ అవార్డు మానక్‌ 2020-21 రాష్ట్రస్థాయి పోటీలకు జిల్లా నుంచి 10 ప్రాజెక్టులు ఎంపికైనట్లు డీఈవో రమే్‌షకుమార్‌, జిల్లా సైన్స్‌ అధికారి రాజిరెడ్డి తెలిపారు. ఆన్‌లైన్‌లో ఈ నెల 13, 14 తేదీల్లో జిల్లాస్థాయిలో నిర్వహించిన ప్రదర్శనలో 95 మంది విద్యార్థులు తమ ప్రాజెక్టులతో పోటీపడగా నేషనల్‌ ఇన్నోవేషన్‌ ఫౌండేషన్‌ (ఎన్‌ఐఎఫ్‌) న్యాయ నిర్ణేత బృందం 10 ప్రాజెక్టులను ఉత్తమ ప్రాజెక్టులుగా ఎంపిక చేసింది. బుధవారం ఎన్‌ఐఎఫ్‌ ఆన్‌లైన్‌ ఫలితాలను వెల్లడించగా మెదక్ జిల్లా అదనపు కలెక్టర్‌ ప్రతిమాసింగ్‌ ఫలితాలను విడుదల చేశారు. ఉత్తమ ప్రాజెక్టులుగా ఎంపికైన పది ప్రాజెక్టులను జిల్లా నుంచి రాష్ట్రస్థాయి పోటీలకు నామినేట్‌ చేసినట్లు వారు తెలిపారు. ఉత్తమ ప్రతిభ చూపిన విద్యార్థులను, గైడ్‌ టీచర్లను ఈ సందర్భంగా అభినందించారు.
రాష్ట్రస్థాయి పోటీలకు ఎంపికైన విద్యార్థులు
కావ్య (జడ్పీహెచ్‌ఎస్‌ చండూర్‌), ధనుష్‌ (జడ్పీహెచ్‌ఎస్‌ తూప్రాన్‌), ప్రశాంత్‌ (జడ్పీహెచ్‌ఎస్‌ మక్తభూపతిపూర్‌), సాహితీ (జడ్పీహెచ్‌ఎస్‌ నాగ్సాన్‌పల్లి), మహేందర్‌ (జడ్పీహెచ్‌ఎస్‌ కాట్రియల్‌), ఽధాత్రి (జడ్పీహెచ్‌ఎస్‌ అచ్చన్నపల్లి), సాయికిరణ్‌ (జీబీహెచ్‌ఎస్‌ మెదక్), శీరిష (జడ్పీహెచ్‌ఎస్‌ మంగళపర్తి), మహేష్‌ (జడ్పీహెచ్‌ఎస్‌ రేగోడ్‌), వరుణ్‌ (జడ్పీహెచ్‌ఎస్‌ రేగోడ్‌)లు రాష్ట్రస్థాయి పోటీలకు ఎంపికయ్యారు.
