Kamineni ఆస్పత్రిలో అరుదైన శస్త్రచికిత్స
ABN , First Publish Date - 2021-12-28T14:36:04+05:30 IST
ఆ చిన్నారి ఎప్పుడూ నవ్వుతూ ఉండేది.. మొదట్లో తల్లిదండ్రులు బిడ్డ నవ్వు చూసి
హైదరాబాద్ సిటీ : ఆ చిన్నారి ఎప్పుడూ నవ్వుతూ ఉండేది.. మొదట్లో తల్లిదండ్రులు బిడ్డ నవ్వు చూసి మురిసిపోయేవారు. అయితే ఆరు నెలలుగా చిన్నారి గ్రేస్‌ అదే పనిగా నవ్వుతుండడంతో ఎల్బీనగర్‌లోని కామినేని ఆస్పత్రి వైద్యులకు చూపించారు. చిన్నారి మెదడులోని హైపోతలామస్‌ భాగంలో కణితి ఉన్నట్లు గుర్తించిన వైద్యులు శస్త్ర చికిత్స చేశారు. ప్రస్తుతం చిన్నారి ఆరోగ్య పరిస్థితి మెరుగుపడింది. మూర్ఛలో ఇదో రకమని ఆస్పత్రి న్యూరో సర్జన్‌ రమేష్‌ వివరించారు. రెండు లక్షల మందిలో ఒకరికి ఇలాంటి లక్షణం ఉంటుందని, దీనిని వైద్య పరిభాషలో ‘గెలాస్టిక్‌ సీజర్స్‌’గా వ్యవహరిస్తామని ఆయన చెప్పారు.
