నిండుకుండల్లా హైదరాబాద్ జంట జలాశయాలు

హైదరాబాద్: నగరంలో జంట జలాశయాలకు జలకళను సంతరించుకున్నారు. ఎగువ ప్రాంతాల నుంచి వస్తున్న వరద నీటితో  హిమాయత్ సాగర్ నిండుకుండలా మారింది. ఉస్మాన్ సాగర్, హిమాయత్ సాగర్ జలాశయాలు పూర్తి స్థాయి నీటి మట్టానికి చేరుకున్నాయి. నేడో, రేపో గేట్లు అధికారులు గేట్లు ఎత్తే అవకాశం ఉంది. దీంతో హైదరాబాద్ నగర వాసుల నీటి కష్టాలు తీరనున్నాయి. ఉస్మాన్ సాగర్ జలాశయం పూర్తిస్థాయి నీటిమట్టం 1790 అడుగులు కాగా... ప్రస్తుతం 1784.24 అడుగులకు చేరింది. ఉస్మాన్ సాగర్ జలాశయంలోకి   833 క్యూసెక్కుల ఇన్ఫ్లో వచ్చి చేరుతోంది. అటు హిమాయత్ సాగర్ జలాశయం పూర్తిస్థాయి నీటిమట్టం 1763.50 అడుగులు కాగా... ప్రస్తుత 1762.20  అడుగులుగా కొనసాగుతోంది. హిమాయత్ సాగర్‌లోకి  277 క్యూసెక్కుల నీరు వచ్చి చేరుతోంది.