ఫుట్‌పాత్‌పై పార్క్‌ చేసిన కారు దగ్ధం
ABN , First Publish Date - 2021-01-18T06:13:39+05:30 IST
అమీర్‌పేటలో పార్క్‌ చేసిన పాత కారు దగ్ధమైంది. ధరంకరం రోడ్డులో ఫుట్‌పాత్‌పై నాలుగేళ్లుగా ఓ కారును గుర్తుతెలియని వ్యక్తులు పార్క్‌ చేశారు.
అమీర్‌పేట, జనవరి 17 (ఆంధ్రజ్యోతి): అమీర్‌పేటలో పార్క్‌ చేసిన పాత కారు దగ్ధమైంది. ధరంకరం రోడ్డులో ఫుట్‌పాత్‌పై నాలుగేళ్లుగా ఓ కారును గుర్తుతెలియని వ్యక్తులు పార్క్‌ చేశారు. ఆదివారం సాయంత్రం కారులో నుంచి మంటలు చెలరేగాయి. స్థానికులు గమనించి అగ్నిమాపక కేంద్రానికి సమాచారం అందించారు. సనత్‌నగర్‌ ఫైర్‌ స్టేషన్‌ సిబ్బంది ఘటనాస్థలానికి చేరుకుని మంటలను అదుపు చేశారు. అప్పటికే కారు పూర్తిగా దగ్ధమైంది.
