‘యూనిఫారం’లో రెచ్చిపోయిన యూట్యూబర్లు... జైలుకు పంపిన పోలీసులు!
ABN , First Publish Date - 2021-08-31T13:57:49+05:30 IST
ఇటీవలి కాలంలో వీడియోలు తీసి, యూట్యూబ్లో ...
బరేలీ: ఇటీవలి కాలంలో వీడియోలు తీసి, యూట్యూబ్లో పోస్టు చేసేవారి సంఖ్య విపరీతంగా పెరిగిపోయింది. యూపీలోని బరేలీకి చెందిన ఇద్దరు యూట్యూబర్లు పోలీసు యూనిఫారం ధరించి, వాహనాల చెకింగ్ ఫ్రాంక్ వీడియోలు తీయడం వారికి సమస్యలను తెచ్చిపెట్టింది. ప్రస్తుతం వీరిద్దరూ జైలులో ఊచలు లెక్కబెడుతున్నారు.
ఈ సందర్భంగా బరేలీ పోలీసు అధికారి రవిందర్ కుమార్ మాట్లాడుతూ గోటియా నివాసి శివం యాదవ్, సద్భావన కాలనీ నివాసి అశోక్ యాదవ్లు ఫ్రాంక్ వీడియోలు చేసి, తమ యూట్యూబ్ ఛానళ్లలో పోస్టుచేస్తుంటారన్నారు. రెండు రోజల క్రితం వీరిద్దరూ పోలీసు యూనిఫారంలో వాహనాల చెకింగ్ ఫ్రాంక్ వీడియో చేస్తుండగా, స్థానికులు పోలీసులకు సమాచారమిచ్చారన్నారు. దీంతో తమ సిబ్బంది సంఘటనా స్థలానికి చేరుకుని ఆ యూట్యూబర్లను అరెస్టు చేసిందని, ఆ తరువాత వారిని జైలుకు తరలించామన్నారు.