సూపర్ హిట్ సాంగ్.. ఖాళీ విమానంలో ఎయిర్ హోస్టెస్ స్టెప్పులకు నెటిజన్లు ఫిదా!

శ్రీలంక ప్రముఖ గాయని యొహాని డిలోక డిసెల్వా పాడిన `మనికె మాగె హితే` సోషల్ మీడియాలో ఎంతటి సంచలనం సృష్టించిందో తెలిసిందే. ఈ ఏడాది మే నెలలో విడుదలైన ఈ పాట ఓవర్ నైట్ సెన్షేషన్ క్రియేట్ చేసింది. మిలియన్ల కొద్దీ వ్యూస్ దక్కించకుంది. ఇండిగో విమానయాన సంస్థలో పనిచేస్తున్న ఎయిర్ హోస్టెస్ ఖాళీ విమానంలో ఈ పాటకు చిందులేసి అందరినీ ఆకట్టుకుంది. 

అయాత్ ఉర్ఫ్ అఫ్రీన్ అనే యువతి ఇండిగో సంస్థలో ఎయిర్ హోస్టెస్‌గా విధులు నిర్వరిస్తోంది. ప్రయాణికులెవరూ లేనపుడు ఖాళీ విమానంలో డిసెల్వా పాటకు చిందులేసింది. ఆ వీడియోను ఇన్‌స్టాగ్రామ్‌లో షేర్ చేసింది. పాటకు తగిన విధంగా ఆమె వేసిన డ్యాన్స్ నెటిజన్లను ఆకట్టుకుంది. ఈమె వీడియో కూడా భారీ సంఖ్యలో వ్యూస్ దక్కించుకుంది. ఆ వీడియో సోషల్ మీడియాలో వైరల్‌గా మారింది.