13 ఏళ్ల తర్వాత పూణె ఎయిర్‌పోర్ట్ మూసివేత

పూణె: పూణె ఎయిర్‌పోర్ట్‌ని 14 రోజుల పాటు మూసివేయనున్నారు. ఎయిర్‌పోర్ట్‌లో రన్‌వే పనుల కారణంగా అక్టోబర్ 16 నుంచి నిర్ణీత సమయం వరకు ఎయిర్‌పోర్ట్ నుంచి ఎలాంటి రాకపోకలు జరగవని ఎయిర్‌పోర్ట్ అధికారి ఒకరు గురువారం తెలిపారు. 13 ఏళ్ల తర్వాత పూణె ఎయిర్‌పోర్ట్‌ను మూసివేయడం ఇదే మొదటిసారి అని అన్నారు. 2008లో కొన్ని కారణాల వల్ల ఈ ఎయిర్‌పోర్ట్‌ను కొద్ది రోజులు మూసివేశారు. మళ్లీ ఇన్నాళ్లకు మూసివేశారు. ఈ విషయమై ఎయిర్‌పోర్ట్ అధికారి ఒకరు మాట్లాడుతూ ‘‘రన్‌వే మరమ్మత్తుల గురించి ఇండియన్ ఎయిర్‌ ఫోర్స్ నుంచి మాకు కొన్ని ఆదేశాలు వచ్చాయి. వాటి అనుగుణంగా మేము ఈ ప్రకటన చేశాము’’ అని అన్నారు. వాస్తవానికి రన్‌వే మరమ్మత్తుల పని ఏప్రిల్‌లోనే నిర్వహించాలని గతంలో ప్రతిపాదనలు వచ్చినప్పటికీ కొన్ని కారణాల వల్ల అక్టోబర్ నాటికి వాయిదా పడ్డాయి.