నాగవార-గొట్టిగెరె మెట్రో మార్గానికి హైకోర్టు పచ్చజెండా

బెంగళూరు: నగరంలోని నాగవార - గొట్టిగెరె మెట్రో రైలు మార్గానికి హైకోర్టు పచ్చజెండా చూపింది. ఈ మార్గంలో మెట్రో రైలు కో సం వేలాది చెట్లను అక్రమంగా నరికేస్తున్నారంటూ బెంగళూరు పరిసర ట్రస్టుకు చెందిన దత్తాత్రేయ దేవరు దాఖలు చేసిన ప్రజాప్రయోజనాల వ్యాజ్యంపై విచారణ జరిపిన హైకోర్టు డివిజనల్‌ బెంచ్‌ ఈ మేరకు గురువారం షరతులతో కూడిన అనుమతిని మంజూ రు చేసింది. ప్రజలకు ఉత్తమ మౌలిక సదుపాయాల ను కల్పించేందుకు చేపట్టిన మెట్రో రైలు మార్గం పనులను అడ్డుకోవడం సరికాదని ధర్మాసనం అభిప్రాయప డింది. ఈ మార్గంకోసం చెట్ల నరికివేతకు పరిహారంగా మొత్తం 4వేల మొక్కలు నాటి వాటి సంరక్షణ బాధ్యత ను పూర్తిగా బీఎంఆర్‌సీఎల్‌ చేపట్టాలని ధర్మాసనం సూచించింది. మొక్కలు నాటే కార్యక్రమం మొక్కుబడిగా సాగితే సహించబోమని హెచ్చరించింది. 33 రకాల మొక్కలను నాటాలని సూచించింది.