ఉచిత మందు ప్లీజ్!
ABN , First Publish Date - 2021-04-16T14:44:44+05:30 IST
పుదుకోట జిల్లా ఆలంగుడి సమీపంలో ఉన్న కీరమంగళం నుంచి మేర్పనైంకాడు వెళ్లే దారిలో హఠాత్తుగా ఏర్పాటు చేసిన ఓ ఫ్లెక్సీ
- పుదుకోట జిల్లాలో వెలసిన పోస్టర్లు
పుదుకోట(చెన్నై): పుదుకోట జిల్లా ఆలంగుడి సమీపంలో ఉన్న కీరమంగళం నుంచి మేర్పనైంకాడు వెళ్లే దారిలో హఠాత్తుగా ఏర్పాటు చేసిన ఓ ఫ్లెక్సీ అందర్నీ ఆకట్టుకుంటోంది. అందులో, 2000 సంవత్సరం నుంచి 2019 వరకు మద్యం విక్రయాల వల్ల రాష్ట్రప్రభుత్వానికి గిట్టిన ఆదాయం గురించి అంకెలతో సహా వివరించారు. అలాగే, ‘మాకు సంపాదన తక్కువైనా సర్కారుకు ఆదాయం రావాలన్న దృక్పథంతో టాస్మాక్ దుకాణాలకు వెళ్లి మద్యం కొనుగోలు చేస్తున్నాము. ఇన్నాళ్లు మీరిచ్చిన మంచి పాలనకు మేము కూడా ఎంతో సహకరించాము. ఇకపై కూడా మా సహకారం కొనసాగుతుంది. ప్రస్తుతం మేము ఎదురుచూసేది, మేము సేవించే మద్యం రకాలను వారంలో రెండు రోజులు ఉచితంగా ఇస్తే మాకు ఆర్థిక భారం తగ్గుతుంది. ఇట్లు, మందు బాబులు’ అని ఆ ఫ్లెక్సీలో ముద్రించారు.
