నటుడు విజయ్‌ విశ్వకు ‘గౌరవ డాక్టరేట్‌’

అడయార్‌(చెన్నై): కోలీవుడ్‌ నటుడు విజయ్‌ విశ్వకు గౌరవ డాక్టరేట్‌ లభించింది. కరోనా మహమ్మారి సమయంలో ప్రజలకు విస్తృతంగా సేవ చేసినందుకు గుర్తింపుగా ఆయనకు ఈ గౌరవ డాక్టరేట్‌ను ఇంటర్నేషనల్‌ పీస్‌ తమిళ్‌ యూనివర్శిటీ తాజాగా అందజేసింది. ఈ గౌరవ డాక్టరేట్‌ను నటుడు విజయ్‌ విశ్వ చెన్నై జిల్లా కోర్టు న్యాయమూర్తి జస్టిస్‌ ఎన్‌. వైద్యలింగం చేతులమీదుగా స్వీకరించారు. ఈ కార్యక్రమంలో కమలం గ్రూపు సంస్థల అధినేత జేకే ముత్తు, మంగైయక్కరసి ఇంజనీరింగ్‌ కాలేజీ ప్రిన్సిపాల్‌ డాక్టర్‌ కార్తికేయన్‌, ఏకే రెడ్డి తదితరులు పాల్గొన్నారు. అలాగే, రోటరీ సంఘం రాష్ట్ర స్థాయి గౌరవ సభ్యుడుగా విజయ్‌ విశ్వను ఇటీవల నియమించిన విషయం తెల్సిందే.