బైడెన్ ప్రమాణస్వీకారం.. కొద్ది నిముషాలకే చైనా షాకింగ్ నిర్ణయం..!
ABN , First Publish Date - 2021-01-22T14:29:36+05:30 IST
అమెరికా 46వ అధ్యక్షుడిగా జో బైడెన్ ప్రమాణ స్వీకారం చేసిన కొద్ది నిముషాలకే చైనా సంచలన నిర్ణయం తీసుకుంది. అమెరికా మాజీ అధ్యక్షుడు ట్రంప్ కేబినెట్‌లో కీలక నేతగా ఉన్న మైక్ పాంపియోతో పాటు మరో 27 మంది నేతలను...
బీజింగ్: అమెరికా 46వ అధ్యక్షుడిగా జో బైడెన్ ప్రమాణ స్వీకారం చేసిన కొద్ది నిముషాలకే చైనా సంచలన నిర్ణయం తీసుకుంది. అమెరికా మాజీ అధ్యక్షుడు ట్రంప్ కేబినెట్‌లో కీలక నేతగా ఉన్న మైక్ పాంపియోతో పాటు మరో 27 మంది నేతలను తమ దేశంలో అడుగుపెట్టకుండా చైనా నిషేధం విధించింది. అంతేకాదు వారితో పాటు వారి కుటుంబ సభ్యులు కూడా చైనా ప్రధాన భూభాగంలో కానీ, హాంకాంగ్‌లో కానీ, మకావూలో కానీ అడుగుపెట్టకూడదంటూ ఆల్టిమేటం జారీ చేసింది. వ్యక్తిగత పనులతో పాటు వ్యాపార కార్యకలాపాల కోసం కూడా వారిని తమ దేశంలో అడుగుపెట్టనివ్వబోమని ప్రకటించింది.
