15 మంది డాక్టర్లు, 10 మంది నర్సులకు కరోనా

పుణె: మహారాష్ట్రలోని పుణెలో రోజురోజుకు కరోనా వైరస్ పాజిటివ్ కేసులు పెరిగిపోతున్నాయి. ఈ నేపథ్యంలో పింప్రి చిన్చ్వాడ్ మునిసిపల్ కార్పొరేషన్ నిర్వహిస్తున్న యశ్వంతరావు చవాన్ మెమోరియల్ ఆసుపత్రిలో 15 మంది వైద్యులు మరియు 10 మంది నర్సులకు కోవిడ్ -19 పాజిటివ్ వచ్చిందని ఆసుపత్రి డీన్ డాక్టర్ రాజేంద్ర వేబుల్ తెలిపారు.

కోవిడ్-19 వైరస్ సోకిన వైద్యులలో ఒకరికి రెండు డోసుల కోవిడ్-19 వ్యాక్సిన్ ఇచ్చినట్లు రాజేంద్ర వేబుల్ అన్నారు. వివిధ వార్డులలో కోవిడ్-19 రోగులకు వైద్యులు మరియు నర్సులు చికిత్స అందిస్తున్నారని డాక్టర్ రాజేంద్ర వేబుల్ చెప్పారు.